Samoa College Trip to Brisbane

Ia ua toe taliu le malaga mai le Kolisi o Samoa. Sa tali e le A'oga Anglican Church Grammar School tamaiti e to'a 35 a e tali e matou faia'oga e to'a sefulu fa. O a matou faia'oga sa api i'inei, o Vena Alolu, Apela Ah Him ma Seteuati Nofoa'iga. Na o le tasi le po o Galovale Vili ona o lea ma lona aiga i Brisbane. E tolu ta'aloga a nai tamaiti sa fai, o le ta'aloga ma le a'oga ACGS, o le ta'aloga ma Metwest, ma le ta'aloga ma le Brisbane Samoa under 18. Sa fai le 'Ava o le Feiloa'iga ma faia'oga i le Aso To'ona'i Me 5, ina ua taunu'u mai. Sa alu le ti'eti'ega i le CityCat ma fai le pikiniki i le Newfarm Park i le Aso Gafua Me 7. Sa fai le Siva a Scopa i le Aso Faraile May 11, i le PCYG Inala, sa fai ai le floor show a nai tamaiti. Sa tafafao i le DreamWorld i le Aso Faraile lava lea a e po fai le Siva. Sa lolotu uma i le Aso Sa o Tina i le Falesa o le Aulotu EFKS o Milo ma Sinei ona fai ai lea o le to'onai ma le ekalesia ina ua mae'a le lotu. Sa fa'ai'u le malaga i se aiava ma faia'oga i le Aso Gafua Aso 14 Me. Toe ta'aloga ma Brisbane Samoa i le Aso Lua Me 15 a e o le Aso Lulu Me 16 i le 'afa o le 12 i le aoauli na fa'ae'e ai le malaga mo Aukilani. O iina e moe ai le malaga mo po e tolu ona fa'aauau lea i Samoa.

Fa'afetai i le Atua ua manuia mea uma. Maua se feiloa'iga ma se mafutaga manaia ma nai faia'oga. E le au maua fo'i mafutaga fa'apenei. Thanks Michelle and David for all your efforts to make our home welcoming and hospitable for our guests.

Malietoa Tanumafili II

Ua malie toa, ua malie tau. Ua tini fo'i lau folauga. Fa'afetai tautai. Ua malie Samoa. Oi le Lagi lou taui. Tofa Aki.