Ia o'o mai Lou Malo
O le fe'au mo le aso o faiga palota saunia e le Susuga Setu Petaia. Lomia i le Samoa Observer.
“Ia oo mai lou Malo” PDF Print E-mail
Tuesday, 01 March 2011 18:10
[Petaia Setu]
Petaia Setu
[Mataio 06:10]
Se a se afaina o i faigamalo a le lalolagi? Ae faapefea le mau faamatalaga ma ata o loo tatou molimauina i ālā leo ma ālā ata mai atunuu mamao? Se a se vaaiga i faiga malo a Aikupito, o Bahrain, o Libya, ma isi atunuu?
E mafua i se a taua ma misa ma le mau faalavelave matautia i nisi vaega o le lalolagi?
Ua sesē ea le pulega a tagata, pe ona ua pau lava? Ua pulepuletutū taitai, pe ona ua le lavā e tagatanuu onosa’i? Ua le faatuatuaina faiga malo, pe ona ua tatau lava ona fai o se fofō?
A le o le sesē mamao o le alavaa, o lona uiga la, e oti le ola faaleagaga.
Na silafia lelei e Iesu, o le oti lea o soo se faiga malo i le lalolagi; e oge ma le Agaga o le Atua; e mamao ese ma le Atua.
Fai mai la Iesu, a outou tatalo, ia faapea,
Lo matou Tama e, o i le lagi
Ia paia lou Suafa,
Ia oo mai lou malo.
O le malo o loo tā’ua e Iesu, o le malo o le Atua; o le malo o le lagi. O le aoaoga muamua lava lea a Iesu ina ua a’e mālō mai le vao i le fagafulu aso (Mataio 04:17).
Ae o le ‘mătua’ foi ma le ‘autu’ lea o le lauga a Iesu (Mataio 5:7), “O le malo o le Atua”
Samoa, o le malo o loo autū iai le lauga nei, e tulaga ese.
A tautalagia le malo lea, o lona uiga ua tatou talanoa i foliga o le Atua; i lona mamalu; i ona uiga poo lona natura; i lona silisili ese, ma lona tamāliiaga. I le, o le ata atoa lea o le Atua o loo mana’o Iesu ina ia o’o mai i tagata uma, ma ia pulea ai faiga malo uma.
“Aua o loo ia Ieova le mālō” (Salamo 22:25). “O lou malo, o le malo lea e faavavau lava; ma lau pule e au tupulaga lava ia (Salamo 145:13)”.
O malo e fau e tagata o le lalolagi, o malo fetaua’i. Auā foi e fau i ala o le lalolagi. E fausia i foliga ma amioga a le alii o le lalolagi. O faiga faatosina; o faiga faatogafiti; o faiga taufaamata’u; o folafolaga taufaasesē, e i’u i misa ma fevaevaea’iga.
Ae faapefea le atunuu e faavae i le Atua? E faapefea ona puipui Samoa mai le fe’aina’i ma le feinoinoa’i? O le tiute o tagata uma, saili le malo o le Atua (f.33). A o le faanaunauga o le loto, ia oo mai le malo o le Atua i tagata uma.
O le malo o le Atua i le manatu o Paulo, ‘o le amiotonu, o le filemū, ma le olioli i le Agaga Paia” (Roma 14:17).
A siliasila i le tatalo ua a’oa’o mai ai Iesu ia i tatou, o le mana’o muamua lava lea, Lo matou Tama e.... “IA OO MAI LOU MALO”. Aisea? Ua le talitonuina faigamalo a tagata?
Silasila i le poto o Iesu, o le mana’o lea ua a’oa’oina ai oe ma a’u, o le mana’o o aso uma; o le mana’o o le olaga atoa. Ia oo mai le malo o le Atua i soo se vaega faaupufai i aso uma. Ia oo mai lou malo le Atua i tagata lautele o Samoa i taimi uma.
Ia oo mai le amiotonu ma le filemu o le Atua i lana ekalesia i le olaga atoa. O le uiga lea o le
faamamafa a Iesu i lana lauga; “A ia outou muai saili le malo o le Atua ma lana amiotonu”. Auā foi o le malo o le Atua e faaeaina ma manuia saoloto ai tagata uma.
O lana amiotonu e manino ai ma malamalama ai tagata uma, e tonu ma faamaoni ai mea uma.
La lea sa taumafai foi le perofeta o Mika e tata’i mai iai le olaga o Isaraelu, “Sole, ua faaali atu e ia ia te oe le mea lelei; se a foi se mea e finagalo ai Ieova ia te oe.... ia fai le amiotonu, ia naunau i le alofa, ma ia feoai ma lou Atua ma le loto faamaulalo” (Mika 6:8).
O uiga mamalu ma foliga paia ia o le Atua na te tauaveina le tamāliiaga ma le silisili ese o lona malo.
O loo tautala ai foi le fai Salamo ma le tusitala o le Eperu, “Le Atua e, o lou nofoalii e faavavau faavavau lava lea; o le tootoo o lou malo, o le tootoo o le amiotonu” (Salamo 45:6, Eperu 1:8)
Samoa e, e faigofie ona tauloto ma pese i le mana’o (Ia oo mai lou malo) i taimi uma; ae faigata tele ona tau faatonutonu le olaga o aso uma i le mana’o lea. ‘Aua le avea o se tauloto ua masani ai; ae ia malamalama ai le loto, ma faamaoni i le mana’o ua fai ma autu o le lauga.
O le vaiaso ua mavae i le ma lenei foi vaiaso, o saunoaga a sui tauva uma o le faiga palota; i le ma le faalauiloa faalauaiteleina o anava tausi a vaega faaupufai ole palemene.
O la tatou tatalo Samoa, ia pulea e le filemu o outou loto.
Ia taitaiina e le faimeatonu ma le amiotonu lou finagalo. Ia naunau tagata uma i le alofa; ma ia feoai faatasi ma le Atua sui tauva uma ma le loto faamaualalo.
Tafēfē ae faamaoni le sailiga a le atunuu i le Atua, oka! e faaolaina uma tatou i le faamasinoga a le Atua, a ea?
Afai foi ae mata’u le ekalesia ma ona taitai i le Atua ma tautala sa’o i le amiotonu a le Atua, oka! e le toe faia faamalosi ni saofaga o mana’oga faaletagata i luga o galuega faaleagaga, a ea?
Ae a faamaoni foi ona naunau i le alofa se vaega faaupufai ma feoai ma le Atua ma le loto faamaulalo, oka! e seki lava lou tula’i mai, a ea?
Manatua le fesaga’iga a taitai ia e toalua, na faapea ai le isi taitai i le isi taitai, “E le mai le lalolagi nei lo’u malo......” (Ioane 18:36). Ioe, o ia lea na a’oa’oina i tatou i le tatalo, “.....auā e ou le malo ma le mana..”
Samoa e, na aumai le menifeso (faalauiloa faalauaitele) a le Atua, tatou te le i iloa le lalolagi. Na faailoa e Iesu i luga o le mauga o Olive. Faitau lelei iai i le Mataio 5,6,7, ia e malamalama; ma ia e lagonaina.
O le anava tausi o lena menifeso, “E faaolaina oe i le Malo o le Atua”.
E leitioa a naunau Iesu e faamuamua le mana’o lea i le tatalo: ‘Ia oo mai lou malo’. Auā o le malo na te faatupu le filemu.
Ia lo’u atunuu e, i so’o se tafa o le lalolagi, aumaia lo outou finagalo. Tatou tatalo faatasi mo sui tauva uma o Samoa.
Tatou tatalo mo vaega faaupufai uma o le palemene. Tatou tatalo mo tagata lautele o le atunuu i Samoa ma soo se itu o le lalolagi.
Tatou tatalo mo le ekalesia a Iesu Keriso i Samoa.Tatou tatalo mo le manuia o le atunuu ma lo tatou faaolaina.
“Lo matou Tama e, o i le lagi,
Ia paia lou Suafa
IA O’O MAI LOU MALO mo Samoa”
Amene
Phone (0685) 25125
“Ia oo mai lou Malo” PDF Print E-mail
Tuesday, 01 March 2011 18:10
[Petaia Setu]
Petaia Setu
[Mataio 06:10]
Se a se afaina o i faigamalo a le lalolagi? Ae faapefea le mau faamatalaga ma ata o loo tatou molimauina i ālā leo ma ālā ata mai atunuu mamao? Se a se vaaiga i faiga malo a Aikupito, o Bahrain, o Libya, ma isi atunuu?
E mafua i se a taua ma misa ma le mau faalavelave matautia i nisi vaega o le lalolagi?
Ua sesē ea le pulega a tagata, pe ona ua pau lava? Ua pulepuletutū taitai, pe ona ua le lavā e tagatanuu onosa’i? Ua le faatuatuaina faiga malo, pe ona ua tatau lava ona fai o se fofō?
A le o le sesē mamao o le alavaa, o lona uiga la, e oti le ola faaleagaga.
Na silafia lelei e Iesu, o le oti lea o soo se faiga malo i le lalolagi; e oge ma le Agaga o le Atua; e mamao ese ma le Atua.
Fai mai la Iesu, a outou tatalo, ia faapea,
Lo matou Tama e, o i le lagi
Ia paia lou Suafa,
Ia oo mai lou malo.
O le malo o loo tā’ua e Iesu, o le malo o le Atua; o le malo o le lagi. O le aoaoga muamua lava lea a Iesu ina ua a’e mālō mai le vao i le fagafulu aso (Mataio 04:17).
Ae o le ‘mătua’ foi ma le ‘autu’ lea o le lauga a Iesu (Mataio 5:7), “O le malo o le Atua”
Samoa, o le malo o loo autū iai le lauga nei, e tulaga ese.
A tautalagia le malo lea, o lona uiga ua tatou talanoa i foliga o le Atua; i lona mamalu; i ona uiga poo lona natura; i lona silisili ese, ma lona tamāliiaga. I le, o le ata atoa lea o le Atua o loo mana’o Iesu ina ia o’o mai i tagata uma, ma ia pulea ai faiga malo uma.
“Aua o loo ia Ieova le mālō” (Salamo 22:25). “O lou malo, o le malo lea e faavavau lava; ma lau pule e au tupulaga lava ia (Salamo 145:13)”.
O malo e fau e tagata o le lalolagi, o malo fetaua’i. Auā foi e fau i ala o le lalolagi. E fausia i foliga ma amioga a le alii o le lalolagi. O faiga faatosina; o faiga faatogafiti; o faiga taufaamata’u; o folafolaga taufaasesē, e i’u i misa ma fevaevaea’iga.
Ae faapefea le atunuu e faavae i le Atua? E faapefea ona puipui Samoa mai le fe’aina’i ma le feinoinoa’i? O le tiute o tagata uma, saili le malo o le Atua (f.33). A o le faanaunauga o le loto, ia oo mai le malo o le Atua i tagata uma.
O le malo o le Atua i le manatu o Paulo, ‘o le amiotonu, o le filemū, ma le olioli i le Agaga Paia” (Roma 14:17).
A siliasila i le tatalo ua a’oa’o mai ai Iesu ia i tatou, o le mana’o muamua lava lea, Lo matou Tama e.... “IA OO MAI LOU MALO”. Aisea? Ua le talitonuina faigamalo a tagata?
Silasila i le poto o Iesu, o le mana’o lea ua a’oa’oina ai oe ma a’u, o le mana’o o aso uma; o le mana’o o le olaga atoa. Ia oo mai le malo o le Atua i soo se vaega faaupufai i aso uma. Ia oo mai lou malo le Atua i tagata lautele o Samoa i taimi uma.
Ia oo mai le amiotonu ma le filemu o le Atua i lana ekalesia i le olaga atoa. O le uiga lea o le
faamamafa a Iesu i lana lauga; “A ia outou muai saili le malo o le Atua ma lana amiotonu”. Auā foi o le malo o le Atua e faaeaina ma manuia saoloto ai tagata uma.
O lana amiotonu e manino ai ma malamalama ai tagata uma, e tonu ma faamaoni ai mea uma.
La lea sa taumafai foi le perofeta o Mika e tata’i mai iai le olaga o Isaraelu, “Sole, ua faaali atu e ia ia te oe le mea lelei; se a foi se mea e finagalo ai Ieova ia te oe.... ia fai le amiotonu, ia naunau i le alofa, ma ia feoai ma lou Atua ma le loto faamaulalo” (Mika 6:8).
O uiga mamalu ma foliga paia ia o le Atua na te tauaveina le tamāliiaga ma le silisili ese o lona malo.
O loo tautala ai foi le fai Salamo ma le tusitala o le Eperu, “Le Atua e, o lou nofoalii e faavavau faavavau lava lea; o le tootoo o lou malo, o le tootoo o le amiotonu” (Salamo 45:6, Eperu 1:8)
Samoa e, e faigofie ona tauloto ma pese i le mana’o (Ia oo mai lou malo) i taimi uma; ae faigata tele ona tau faatonutonu le olaga o aso uma i le mana’o lea. ‘Aua le avea o se tauloto ua masani ai; ae ia malamalama ai le loto, ma faamaoni i le mana’o ua fai ma autu o le lauga.
O le vaiaso ua mavae i le ma lenei foi vaiaso, o saunoaga a sui tauva uma o le faiga palota; i le ma le faalauiloa faalauaiteleina o anava tausi a vaega faaupufai ole palemene.
O la tatou tatalo Samoa, ia pulea e le filemu o outou loto.
Ia taitaiina e le faimeatonu ma le amiotonu lou finagalo. Ia naunau tagata uma i le alofa; ma ia feoai faatasi ma le Atua sui tauva uma ma le loto faamaualalo.
Tafēfē ae faamaoni le sailiga a le atunuu i le Atua, oka! e faaolaina uma tatou i le faamasinoga a le Atua, a ea?
Afai foi ae mata’u le ekalesia ma ona taitai i le Atua ma tautala sa’o i le amiotonu a le Atua, oka! e le toe faia faamalosi ni saofaga o mana’oga faaletagata i luga o galuega faaleagaga, a ea?
Ae a faamaoni foi ona naunau i le alofa se vaega faaupufai ma feoai ma le Atua ma le loto faamaulalo, oka! e seki lava lou tula’i mai, a ea?
Manatua le fesaga’iga a taitai ia e toalua, na faapea ai le isi taitai i le isi taitai, “E le mai le lalolagi nei lo’u malo......” (Ioane 18:36). Ioe, o ia lea na a’oa’oina i tatou i le tatalo, “.....auā e ou le malo ma le mana..”
Samoa e, na aumai le menifeso (faalauiloa faalauaitele) a le Atua, tatou te le i iloa le lalolagi. Na faailoa e Iesu i luga o le mauga o Olive. Faitau lelei iai i le Mataio 5,6,7, ia e malamalama; ma ia e lagonaina.
O le anava tausi o lena menifeso, “E faaolaina oe i le Malo o le Atua”.
E leitioa a naunau Iesu e faamuamua le mana’o lea i le tatalo: ‘Ia oo mai lou malo’. Auā o le malo na te faatupu le filemu.
Ia lo’u atunuu e, i so’o se tafa o le lalolagi, aumaia lo outou finagalo. Tatou tatalo faatasi mo sui tauva uma o Samoa.
Tatou tatalo mo vaega faaupufai uma o le palemene. Tatou tatalo mo tagata lautele o le atunuu i Samoa ma soo se itu o le lalolagi.
Tatou tatalo mo le ekalesia a Iesu Keriso i Samoa.Tatou tatalo mo le manuia o le atunuu ma lo tatou faaolaina.
“Lo matou Tama e, o i le lagi,
Ia paia lou Suafa
IA O’O MAI LOU MALO mo Samoa”
Amene
Phone (0685) 25125
posted by Meripa Weir at 12:43 PM
0 Comments:
Post a Comment
<< Home