Fuafuaga a le Faletupe mai Asia mo Samoa

Letter to Editor Samoa Observer translated

Fuafuaga Mo Atina'e I Samoa a le Faletupe Atina'e mai Asia
Aso Faraile 8 Iulai 2011

I le Fa'atonu,
O lo o iai nei I totonu o Samoa ni sui o le Faletupe o Atina'e mai Asia. O le mafua'aga o lea asiasiga I Samoa ina ia fia iloa atili o mana'oga tau le atina'e ua atofaina mo le fa'atinoina loa, atoa ai ma nisi fuafuaga ua uma ona fa'atulaga mo le lumana'i.
Na maoa'e ni vi'iga na tu'uina I lo tatou Palemia o Tuilaepa Sa'ilele Malielegaoi e sui o le Faletupe mai Asia . O ia vi'ivi'iga ona ua latou maitauina le to'afilemu o lo o maua pea e Samoa ma ni pulega lelei, ona e mo'omia tele tulaga to'afilemu nei ma le solo lelei o atina'e tautupe mo galuega alu I luma a lenei faletupe mai Asia.
A e se paga, o nei fuafuaga a le Malo HRPP ma le Faletupe Atina'e mai Asia ua latou suiina ai le tulaga mautu o 'ele'ele ma fanua tau le Aganu'u o tagata Samoa (ina ia mafai ona fai o ni fefa'ataua'iga, pe nono mai ni tupe, e fa'aogaina ai 'ele'ele tau le Aganu'u) e aunoa ma le sa'ili o se tofa mai aiga ma nu'u I Samoa atoa. Lona uiga ua latou soli le tulafono ina ua pasia na o le luavaetolu o le HRPP ,le Tulafono mo le Resitalaina o Fanua ma Suafa I le 2008 a e le I pasiaina fa'aletulafono.
Ua fa'atino fuafuaga ua tula'i mai ai o le Tulafono 2008 a e le I aloa'ia fa'atonuga fa'ale tulafono mo ni suiga I le puleaina o 'ele'ele ma fanua tau le Aganu'u o lo o ua tusia I le parakalafa 102 ma le parakalafa 109 I le Fa'avae o Le Malo Tuto'atasi o Samoa. Ua fai mai le Fa'avae o Samoa, e ao ona faia se palota fa'apelepesite mo so o se suiga e mana'omia ai le fa'aaogaina o 'ele'ele ma fanua tau le Aganu'u mo se fefa'ataua'iga, se mokesi, po o se totogiina o ni aitalafu.
I le tausaga 2004, na fa'ailoaina ai se finagalo o le faletupe o Atina'e mai Asia - e leai lava ni fa'afitauli po o ni popolega mai tagata Samoa I le mata'upu o le fa'aaogaina o 'ele'ele ma fanua tau le Aganu'u I fefa'ataua'iga ma le totogiina o aitalafu.
A e o le mea moni lava, e leai se popolega i lenei faletupe mai Asia I le mataupu o le le toe iai o ni 'ele'ele ma fanua tau le Aganu'u pe a fa'aliliueseina uma I le Malo; po o le 'ave'eseina o aia tatau a tagata I o latou lava fanua mai o latou tua'a ua mavae e aunoa ma le fa'atagana fa'ale-tulafono mai ia te I latou.
Na fa'ailoa fo'i se talitonuga sa iai I lenei faletupe mai Asia, o se mea tatau lava ona saili se tofa mamao o aiga ma nu'u uma I Samoa e fa'atatau I le mataupu o le fa'aaogaina/fa'aliliueseina o 'ele'ele ma fanua tau le Aganu'u o Samoa I fefa'ataua'iga, mokesi ma le totogiina o ni tupe nono mai fafo.
Na fa'ailoa fo'i e le faletupe mai Asia e ao ona fa'asalalau I ni fa'asalalauga fa'apitoa ina ia silafia e le mamalu o le atunu'u o ni fa'ai'uga e maua mai I le sa'iliga o le tofa mamao ma le fa'autaga loloto o Samoa e tusa ai o nei mataupu taua. E ao fo'i ona fa'asalalau o ni suiga fou o le a iai I Samoa e fa'asino I 'ele'ele ma fanua tau le Aganu'u. O le sini o ia fa'asalalauga ina ia lagolagoina e tle mamalu lautele o ni suiga e ao ona fa'atino.
Ua alia'e mai nei fa'amatalaga, o le Malo HRPP e matua lagolago malosi le fa'aliliu'eseina o 'ele'ele ma fanua tau le Aganu'u Samoa e auala mai I se suiga po o se auala e mafai ai ona fa'atau, pe fa'aaogaina nei fanua I fefa'ataua'iga e mafai ai o ni nonoga tupe se tele e aunoa ma le silafia po o le fa'atagana fa'ale solitulafono o tagatanu'u o Samoa.
Maua Faleauto.