Tali Ekalesia
Tusi lenei i le Samoa Observer 29 Aperila 2010 e le i lolomiina
Tali Ekalesia: “Leai” mo se Casino
Lau Susuga i le Fa’atonu,
Ua fa’atupu tele le agaga alofa i le atunu’u pele o Samoa ina ua faitau i le tusitusiga a Mata’afa Keni Lesa,‘We are warning the Government’ (Editorial 27/04/2010) o lo’o fa’amatala mai ai ua le manatu tele le Afioga i le Palemia i se fautuaga a le Fono o Ekalesia e ala mai i le Ta’ita’ifono le Susuga Oka Fau’olo.
Ua fa’ailoa mai fo’i e Mata’afa ua fautuaina le Fono a Ekalesia ia muamua ona fo’ia le tulaga i le bingo ua matele iai tagata o ‘aulotu ona e tutusa lava le bingo ma le casino, a e tu’u ai pea le fuafuaga i le casino o le a iai tulafono e leoleo ai le fa’atinoga o lea itu.
Ua fa’aalia e Mata’afa le finagalo o Fau’olo e iai fa’afitauli o le bingo a e le taitai ona fa’atusaina i le mau fa’afitauli tetele e ono tutupu mai pe a iai se casino i Samoa. O le finagalo fo’i o Fau’olo e le mafai ona nofonofo filemu ekalesia i Samoa a e o le a se’e atu le va’a o Samoa i se alititai mata’utia e ono talepe ai le va’a ma le folauga.
Ua lipoti mai fo’i e Mata’afa ua saunoa le Susuga a Fau’olo e le na o le “ioe” e tali atu ai Ekalesia i le Malo; o le tali atu “leai” e fa’ailoa atu ai fo’i le agaga alofa o Ekalesia i tagata o le Atua.
Afai la ua le amana’ia e le Afioga i le Palemia se fautuaga mai Ekalesia, ou te manatu o se tulaga fa’aletonu e ala mai i le taleaina o le agaga o le Atua ma ua fa’atupu atili ai le alofa o Ekalesia i ona tagata. Pei ona ua fa’ailoa mai e Mata’afa ua salalau i pulela’a o Samoa le tala’iga o le Agaga o le Atua “leai se casino” ma ua lagolago tele fo’i lea fe’au i Samoa.
Ou te talitonu o le taimi tonu lenei e fa’atino ai le Agaga o le Atua o lo o manino lava i le Fa’avae o le Malo Samoa – E fa’avae i le Atua Samoa. O le taimi lelei nei mo ekalesia ma tagata lotu uma e potopoto fa’atasi ma lagolago se mau e fa’ailoa atu ai ua le fa’atuatuaina e Samoa lona ta’ita’i o iai nei ma le pati o le HRPP. Ma e ta’ita’ina lava i le filemu o le Ali’i se savali i le Susuga i le Ao o le Malo.
O se savali filemu i le Ao o le Malo ma se mau tusitusia, o le a mafai ai ona fa’atinoina le tiute fa’aletulafono o le Susuga i le Ao o le Malo e pei ona tusia i le Vaega 63(1) o le Fa’avae o le Malo Samoa, e soloia ai le Palemene ma talo ai se Palota Lautele e fa’atino pe a uma le tolu masina.
Ou te manatu fo’i o taimi nei e fa’alelei ai tulaga o palota lautele ina ia saunia ai le atunu’u mo ni faiga palota e fa’avae i le tutusa o alaga tupe e lagolago ai e o fia iai i le tauvaga mo faipule palotaina. E tatau ai ona fa’aaoga na o tupe mai le fa’aputuga tupe o lafoga ina ia tutusa fesoasoani tau tupe a e maise o le fa’aaogaina o ala leo ‘ese’ese e i latou uma e fia tausinio.
O la’u tatalo ia ta’ita’i le Agaga o le Atua i Ekalesia ma tagata lotu uma.
Ma lo’u fa’aaloalo lava.
Meripa Weir – Fiafia e auauna mai vasa mo Samoa.
Tali Ekalesia: “Leai” mo se Casino
Lau Susuga i le Fa’atonu,
Ua fa’atupu tele le agaga alofa i le atunu’u pele o Samoa ina ua faitau i le tusitusiga a Mata’afa Keni Lesa,‘We are warning the Government’ (Editorial 27/04/2010) o lo’o fa’amatala mai ai ua le manatu tele le Afioga i le Palemia i se fautuaga a le Fono o Ekalesia e ala mai i le Ta’ita’ifono le Susuga Oka Fau’olo.
Ua fa’ailoa mai fo’i e Mata’afa ua fautuaina le Fono a Ekalesia ia muamua ona fo’ia le tulaga i le bingo ua matele iai tagata o ‘aulotu ona e tutusa lava le bingo ma le casino, a e tu’u ai pea le fuafuaga i le casino o le a iai tulafono e leoleo ai le fa’atinoga o lea itu.
Ua fa’aalia e Mata’afa le finagalo o Fau’olo e iai fa’afitauli o le bingo a e le taitai ona fa’atusaina i le mau fa’afitauli tetele e ono tutupu mai pe a iai se casino i Samoa. O le finagalo fo’i o Fau’olo e le mafai ona nofonofo filemu ekalesia i Samoa a e o le a se’e atu le va’a o Samoa i se alititai mata’utia e ono talepe ai le va’a ma le folauga.
Ua lipoti mai fo’i e Mata’afa ua saunoa le Susuga a Fau’olo e le na o le “ioe” e tali atu ai Ekalesia i le Malo; o le tali atu “leai” e fa’ailoa atu ai fo’i le agaga alofa o Ekalesia i tagata o le Atua.
Afai la ua le amana’ia e le Afioga i le Palemia se fautuaga mai Ekalesia, ou te manatu o se tulaga fa’aletonu e ala mai i le taleaina o le agaga o le Atua ma ua fa’atupu atili ai le alofa o Ekalesia i ona tagata. Pei ona ua fa’ailoa mai e Mata’afa ua salalau i pulela’a o Samoa le tala’iga o le Agaga o le Atua “leai se casino” ma ua lagolago tele fo’i lea fe’au i Samoa.
Ou te talitonu o le taimi tonu lenei e fa’atino ai le Agaga o le Atua o lo o manino lava i le Fa’avae o le Malo Samoa – E fa’avae i le Atua Samoa. O le taimi lelei nei mo ekalesia ma tagata lotu uma e potopoto fa’atasi ma lagolago se mau e fa’ailoa atu ai ua le fa’atuatuaina e Samoa lona ta’ita’i o iai nei ma le pati o le HRPP. Ma e ta’ita’ina lava i le filemu o le Ali’i se savali i le Susuga i le Ao o le Malo.
O se savali filemu i le Ao o le Malo ma se mau tusitusia, o le a mafai ai ona fa’atinoina le tiute fa’aletulafono o le Susuga i le Ao o le Malo e pei ona tusia i le Vaega 63(1) o le Fa’avae o le Malo Samoa, e soloia ai le Palemene ma talo ai se Palota Lautele e fa’atino pe a uma le tolu masina.
Ou te manatu fo’i o taimi nei e fa’alelei ai tulaga o palota lautele ina ia saunia ai le atunu’u mo ni faiga palota e fa’avae i le tutusa o alaga tupe e lagolago ai e o fia iai i le tauvaga mo faipule palotaina. E tatau ai ona fa’aaoga na o tupe mai le fa’aputuga tupe o lafoga ina ia tutusa fesoasoani tau tupe a e maise o le fa’aaogaina o ala leo ‘ese’ese e i latou uma e fia tausinio.
O la’u tatalo ia ta’ita’i le Agaga o le Atua i Ekalesia ma tagata lotu uma.
Ma lo’u fa’aaloalo lava.
Meripa Weir – Fiafia e auauna mai vasa mo Samoa.
posted by Meripa Weir at 12:13 PM
0 Comments:
Post a Comment
<< Home