E le temokarasi Pulega Itutasi
Letter published Samoa Observer Saturday 13 March 2010
E LE TEMOKARASI PULEGA ITU TASI I SAMOA
Lau Susuga i le Fa’atonu,
Ou te momoli atu le fa’amalo i le tusitala o T.V. Bourke o Si’usega ona o lana tusi i le Fa’atonu (Aso To’ona’i 27 Fepuari 2010) e fa’aulutalaina ‘Samoa no democracy, one party state’ ou te fa’aliliuina i le fa’a-Samoa, ‘E le o iai se fa’a-temokarasi i pulega fa’a-itu-tasi a le Setete o Samoa’.
Talu ai o lo o fa’ailoa mai i le tusi a Bourke ni mataupu e tatau ona silafia e le mamalu o le atunu’u a o sauni atu mo le palota ia Mati i le Tausaga Fou, ua ou taumafai e fa’aSamoaina manatu o Bourke o lo o i lana tusitusiga ona fa’aali lea o nai o’u fo’i manatu e fa’avae i le agaga alofa mo le atunu’u pele o Samoa.
Ua fa’aalia i tolaulauga a T.V.Bourke, o lo o ua saisaitia pe lokaina e le Malo HRPP o aia tatau fa’atemokarasi o tagata Samoa. Ma ua masalo Bourke ‘ai o le mafua’aga lea ua le toe lagona ai le si’ufofoga o le afioga i le Ali’i Sui Palemia sa masani ona tau’alagaina le taua o pulega lelei , pulega manino, po o pulega e fa’ailoa ona tulaga uma i le atunu’u o lo o ua tautuaina.
O se masaloga o Bourke ai fo’i ua lagona e le afioga a le Ali’i Sui Palemia o nei tulaga fa’apule’aga sa masani ona fiafia e taualagaina, ua le mafai ona fa’atinoina ia tulaga i totonu o Samoa i lalo o le pule’aga a le HRPP.
Ua fa’aalia e Bourke ua mafua ona saisaitia pe lokaina aia tatau o tagata Samoa mo tausaga e tele ona o itu nei. Muamua, ona e le talafeagai tu’utu’uga fa’ale-Malo mo le atina’e o le tamaoaiga ma tulaga tonu tau le soifua ua feagai ma aiga nu’u ma alalafaga. Lua, ua malosi tele le puleaina (pulepule tutu) o le ‘aufaigaluega ma ofisa ‘ese’ese a le Malo ma ua leai se sa’olotoga e fa’aalia ai ni pona i totonu o ofisa ma matagaluega ona o popolega i le fa’ate’aina ma galuega. Tolu, ua le temokarasi taualumaga i totonu o le Palemene ona ua ‘avea le to’atele o sui o le HRPP i totonu o le Palemene ua faigofie ai ona pasia o ni tulafono ua mana’omia e le Malo e aunoa ma se itu-tete’e e mafai ona fa’alavelave ma fesiligia le Malo. O le ala fo’i lea e taumafai lava le Malo ina ia leai se itu-tete’e i totonu o le Palemene o Samoa. Pau o le avanoa e mafai ai ona fa’aali se tete’e o totonu lea o le Fale Fa’amasino a e taugata tele lea auala.
Ua fa’apea mai Bourke, o tulaga fa’ale-Malo ua ta’ua i luga ua faigofie ona tula’i mai ona - Muamua, e le o iai se Komisi Tuto’atasi e fa’afoeina ma siakiina tulaga o faiga palota lautele. Lua, e le o fa’amaoni atoatoa le fa’atinoina o faiga palota, ma lona tolu, e le o fa’aaogaina le Fa’avae o le Malo Tuto’atasi o Samoa e fa’asinosino faiga palota ina ia aloa’ia ai aia fa’ale-tulafono o tagata uma e mafai ona palota e le gata i totonu o Samoa a e o atunu’u i fafo.
O le fa’aaliga fo’i a Bourke e uiga i ni fa’amasinoga sa faia e patino i palota lautele o le 2006 na iai i latou sa tatau ona fa’asalaina (aofia ai Minisita) ona sa fa’atau i tupe palota a tagata a e peita’i e le i iai se fa’atinoga o ia fa’asalaga e le Komisi o Faiga palota a le Malo. E foliga sa noatia le Komisi a le Malo e se fa’atonuga mai luga o le pule’aga a le Malo HRPP.
O le atugaluga o ia Burke, afai e le fo’ia tulaga ua fa’atupuina e le Malo o le HRPP o le a noatia pe lokaina atili ai le sa’olotoga mo le fa’atinoina o aia tatau fa’atemokarasi o tagata i aso nei ma taimi o i lumana’i.
Ua taua ai loa i le finagalo o Burke le iai loa o ni auala e foia muamua ai ni tulaga fa’aletonu se fa(4) ua na filifili mai lana lisi o fa’aletonu:-
O le fa’aletonu muamua – E fa’atatau lea i ala tupe sa fa’aaoga i fa’atosina na fesoasoani i le toe palotaina e le atunu’u o le HRPP.
Ua tula’i mai i le tolaulauga a Bourke, o le fa’atupeina e le Malo HRPP o a latou sauniga ma fa’atosina mo le Palota Lautele i le 2006 (12 i le 18 masina a o loma le palota) sa fa’alagolago malosi le Malo i tupe o lafoga a tagata faigaluega. O ia tupe e aofia ai tupe na fa’aaogaina e ni Minisita mo a latou fa’atosina. O se ata fa’ata’ita’i ua tu’u mai e Bourke, afai e 80,000 le aofa’i o e na lesitalaina e palota, a e sa fa’atauina e le Malo i le $100 a le tagata palota e to’atasi, lona uiga e $8 milliona sa fa’aalu. Afai o le 60 pasene sa fa’atauina i le tau lava lea, lona uiga e $4.8 miliona sa fa’aalu. Afai sa fa’atauina i le $50 le palota e tasi le 60 pasene o palota lona uiga e $2.4 miliona sa fa’aalu.
Ua fa’apea mai fo’i Bourke, a toe fa’aopoopo atu iai ma le fa’aaogaina o ala leo e iai le TV1, 2AP, ma Nusipepa pei o le Savali. E o’o mai i le taimi nei e le o manino pe fia tupe o ia fesoasoani a tagata faigaluega a le Malo a e o se masaloga o Bourke pe $2 miliona i le $4 miliona.
Ua fa’ailoa mai fo’i e Bourke o le tau o sauniuniga ma fa’atosina a le itu SDUP mo le palota 2006 e $450,000-$500,000 pe a fa’atusa i tupe fa’aaogaina e le HRPP.
Talu ai e tau i miliona tupe fa’aalu mo fa’atosina a le HRPP i le palota 2006, ua tu’uina mai ai le fesili e Bourke mo le silasila toto’a ma le fa’autaga loloto a Samoa a o sauni atu mo le palota ia Mati 2011.
O le fesili a Bourke – AFAI NA FA’AAOGAINA E LE HRPP TUPE O LAFOGA I LE MALO MO FA”ATOSINA, O FEA NA AUMAI AI ISI TUPE E FA’AATOA AI LE TAU ATOA NA FA’AALU I LE PALOTA 2006?
Ua mautinoa e Bourke, o le mafua’aga o le le manino o tulaga tau tupe fa’aaogaina i fa’atosina i faiga palota, o le leai lea o se fa’atonuga i totonu o Tulafono fa’atatau i .faiga palota, e mana’omia ai le fa’amaumauina i lipoti tusitusia o tulaga uma tautupe mo palota mo le silafia manino e le mamalu o Samoa. Ua fa’amamafa fo’i e Bourke le aofia i lipoti tusitusia o alaga tupe mo palota e le gata i faletupe i totonu o Samoa a o faletupe i atunu’u i fafo. E lagolagoina ai e Bourke le iai o se Komisi tuto’atasi e iloiloina fa’amaumauga o tupe fa’aaoga i fa’atosina mo palota a pati uma.
O le manatu o Bourke e ao ona fa’atapula’a o tupe maua e Pati uma e tauva i le Palota ina ia tete’e atu ai i le fa’aloloto ma le fa’atauina i tupe o palota a tagata e se Pati e tasi.
O le Fa’aletonu lona Lua - E leai se Ofisa e sa’oloto pe tuto’atasi i Samoa e su’esu’eina ni amioletonu, po o ni faiga fa’anana e le Malo.
O le manatu o Bourke, e ui ina iai Le Ofisa Su’e Tupe Sili a le Malo, Le Ofisa mo Fa’atagi ma ni fa’asea i le Aufaigaluega a le Malo, Atoa ai ma le Ofisa o Leoleo, e le mafai e nei ofisa ona fa’atino atoa ni su’esu’ega ona o lo o pule pea le Malo HRPP i galuega fai a ia ofisa. Afai fo’i e tu’uina i luma o le Palemene se mata’upu e fa’ailoa atu ai ua iai ni amioletonu ma le tusa ai ma tulafono i totonu o Ofisa ma matagaluega a le Malo, e mafai lava e le Malo ona te’ena ia ituaiga ripoti e pei ona sa iai i se lipoti na tu’uina i luma o le Palemene e le Afioga a le Ali’i Faipule o Le Mamea Ropati i le 2005.
Ua fa’apea Bourke, na talosaga le Afioga ia Le Mamea mo se Komisi tuto’atasi ( o taimi ia a o ta’ita’i o ia i le SDUP) e su’esu’eina ni tulaga amioletonu e fa’atatau i le fa’aaogaina o tupe i totonu o le Ofisa o le Soifua Maloloina fa’atasi ai ma le mafua’aga o le Tete’e a ali’i ma tama’ita’i foma’i.
Ua fa’aalia e Bourke, na te’ena e le Afioga i le Palemia le mau a Le Mamea ona sa manatu le Palemia e taugata tele se Komisi tuto’atasi nai lo le fa’aaoga o se Komiti Fa’apitoa a le Malo e su’esu’eina ia fa’aletonu. Na manino ma ai i le te’ena o lea mau le mana’o pea o le Malo na te pulea ose Komiti tofia e faia ni su’esu’ega.
E ui la ina sa pasia i le Palemene le iai o se Komiti Fa’apitoa a le Malo e su’esu’e ia fa’aletonu i le Matagaluega a le Soifua Maloloina, ua fa’aali mai e Bourke e le i fa’atinoina lea fa’amoemoe. Na i’u ina tulei fa’asalulimaina i lalo o fala lea mataupu.
Ua manatu ai Bourke e le toe mafai ona maua se avanoa mo se Komisi Su’esu’e Tuto’atasi i lalo o le Malo HRPP ma lona ta’ita’i o iai nei.
O se popolega o Bourke ua mana’omia ai se iai o se Komisi Su’esu’e Tuto’atasi, o se lipoti ua tusia ai le le totogiina o tiute o ‘oloa mai fafo e i latou e ‘au aumai ‘oloa i totonu o le atunu’u mai ia Ianuari 2007 e o’o ia Iulai 2009. Mo se lisi e 925 e tusa ma le $11.2 miliona , ma se isi lisi e 1474 e tusa ma le $16,195 ni tupe e le i totogiina. O se fesili la ua tu’uina mai e Bourke, o fea se komiti e ‘ave iai se fa’atuatuaga o le atunu’u e mafai ona fa’afeagai ma ia fa’aletonu ina ia tu’uina iai ni atugaluga a o le i tu’uina i se Su’esu’ega a se Komisi Su’esu’e Tuto’atasi?
O Le Fa’aletonu Lona Tolu - O le le lagolagoina e le Malo HRPP o le avanoa e mafai ai e tagata Samoa o i atunu’u i fafo ona palota i Palota Lautele a e maise le palota o loma ia Mati 2011.
Ua fa’aalia e Bourke le agaga fa’afetai o le HRPP ae maise o le Afioga i le Ali’i Palemia i tupe lafoina mai e Samoa o lo o aumau i atunu’u i fafo. E le gata fo’i i tupe lafo masani mo aiga a e o fesoasoani fo’i tautupe sa tau’a’ao mai i le Malo mo aiga ma nu’u na a’afia ma puapuagatia i le Sunami i le tausaga ua te’a. E le galo fo’i i le Malo HRPP le fesoasoani mai o Samoa i atunu’u i fafo i le aumai o ta’avale mo aiga i Samoa talu na sui le itu e feoa’i ai ta’avale.
Ua fa’ailoa mai e Bourke le aofa’i e $350 miliona lafo mai i aiga i le 2008 fa’aopoopo la iai ma le $330 miliona (Ianuari –Novema) i le 2009. E manino lava ile Malo HRPP le maoa’e o le sao o tagata Samoa o alaala i fafo i le atina’e o le tamaoaiga o Samoa. Pe a fa’atusatusa la ma fefa’atauaiga i atunu’u i fafo na o le $27 i le $30 miliona tupe maua mo Samoa.
Ua fa’aalia e Bourke o le ala lea o lo o tu’itu’i mai ai pea tagata Samoa i atunu’u i fafo i le faitoto’a o le Afioga i le Ali’i Palemia ma le Malo HRPP ina ia amana’ia lo latou sao i le atunu’u ma lo latou fia auai i Palota faitele mo le filifiliga o e ta’ita’i e puleaina le tamaoaiga o lo latou atunu’u o Samoa. O lea mana’o o Samoa aumau i atunu’u i fafo o lo o fa’atagaina fa’ale-tulafono lea i le Fa’avae o le Malo Tuto’atasi o Samoa ma le Tulafono o faiga palota lautele.
Ua ta’ua fo’i e Bourke o le mataupu fo’i lenei o le fia palota o Samoa aumau i atunu’u i fafo, sa lagaina e le Afioga i le ali’i faipule o Le Mamea a o loma Palota faitele o le 2006. A e peita’i sa te’ena e le Afioga i le ali’i Palemia le mau a Le Mamea e ui o se mataupu lea ma se matafaioi a se Komisi Tuto’atasi o Faiga Palota. Ua fa’asino mai Bourke, a silasila i le Tulafono o faiga palota, o le tiute o le Komisi o Faiga Palota, o le lesitalaina lea o suafa uma o i latou ua pasia mo le palota i so o se alalafaga o aumau ai ma fa’atino tulaga ina ia mafai ai ona palota i latou uma e fia palota. O tulaga masani lava nei o lo o fa’atino e atunu’u temokarasi i fafo atu o Samoa.
Ua fa’ailoa mai la e Bourke ole tali o iai i le taimi nei a le Palemia ma le malo HRPP, e ao ona malaga i Samoa o e fia auai i faiga palota ina ia resitala muamua ona e taugata tele ona fa’atino galuega a se Komisi mo faiga palota mo e o aumau i atunu’u i fafo. Lona uiga ua galo a’ia’i i le Malo HRPP le $350 miliona o le tului a uso o i fafo i le atina’e o Samoa. O se fa’ai’uga a Bourke i le le amana’iaina o le sao a Samoa mai fafo, aua fo’i a aofia nei palota i faiga palota e i’u ina le malosi le lokaina e le Malo HRPP o aia fa’atemokarasi a tagata ma i’u ai ina sa’oloto tagata e filifili se Malo Fou.
Ua fautuaina loa e Bourke ia Samoa o aumau i fafo ina ia galulue fa’atasi ia fa’ataunu’u le tiute fa’ale-tulafono a le Malo e resitala ai Samoa i atunu’u i fafo mo le Palota ia Mati 2011. Afai loa o le a le taliaina pea e le Malo HRPP lea mana’oga e tatau loa ona sauni Samoa i fafo e tu’uina se fa’atagi i luma o le Fa’amasinoga Maualuga i Samoa.
O le Fa’aletonu Lona Fa - O le fa’aaogaina lea e le HRPP o le Pulega – E-To’atolu o totogi o tagata faigaluega a le Malo. O sea Pulega to’atolu e patino la latou galuega i le fuafuaina o si’itaga o totogi o le ‘aufaigaluega a le Malo.
Ua fa’aalia e Bourke, na fautuaina e le Pulega -E-To’atolu mo le 2005, se si’i e 42 pasene o totogi ma alauni mo tagata faigaluega i le Malo e aofia ai ma faipule. O sea si’i e fa’atinoina mo tausaga e tolu. A e na fautuaina se isi si’i e 11pasene mo le amataga o le 2009. Peita’i na taofia e le Kapeneta lea si’i mo le 2009 e pei o le mafua’aga ona o le pa’u fa’afuase’i o le tulaga o tupe maua i le lalolagi.
Ua manatu loa Bourke, e le taumate a o sauni atu le Malo mo Palota lautele o le 2011, o le a fa’atupu tele le si’i mo tagata faigaluega a le Malo i le 20/25 pasene mo tupe fuafuaina mo le 2010/2011. O lona uiga o le 11 pasene na fuafuaina ina ia aofia ai le si’i o le taugata o le soifuaga talu mai le si’i e 42pasene o totogi.
Ua fa’apea mai Bourke o si’i ua fuafuaina nei sa fai ma le leai o se fa’atatau i suiga ua iai le atina’e tautupe a le atunu’u; le si’itia o tau o galuega, lafoga, po o le tau o le soifuaga e totogiina e le atunu’u. O le isi fo’i itu e le i fuafua iai le si’i o totogi o le fa’ato’ateleina pea o e ua i le vasega o e ua maualalo tele lo latou tamaoaiga ma le vavamamao o le tamaoaiga a le aufaigaluega a le malo pe a fa’atusa i e alala i nu’u i fafo o Apia ma alalafaga i totonu lava o le taulaga.
Ua fa’ailoa mai fo’i e Bourke o le si’i ua fuafuaina mo le aufaigaluega a le Malo o le a a’afia ai fo’i tupe e tatau ona fa’aalu i ‘oloa mo le fa’atinoina o galuega pei o galuega i falema’i e mana’omia ai vaitui, fuala’au, vai fai fusiga vai mo le fafagaina o le tino ma isi ‘oloa taua.
Ua manatu fo’i Bourke o le a le mafai nei ona si’i i le 20/25 pasene le totogi pito i maualalo o iai nei e $4,160 i le tausaga. E le i mauaina se si’itaga e 42 pasene ma o lo o gata mai lava ia Setema 2005 talu ona si’i lenei tulaga.
Ua fa’aalia e Bourke e leai ni alauni o fuafuaina mo faifa’ato’aga ma e galulue i nu’u i tua ina ia fetaui ma le si’i o le tau o le soifuaga ua iai nei le atunu’u.
O se fesili ua tu’uina mai e Bourke –
PO O NEI FUAFUAGA UA FAIA E LE MALO, O IAI EA SE AGAGA INA IA MANUIA TAGATA UMA PE NA O E UA FILIFILIA E LE MALO HRPP?
O so’u manatu la i nei tulaga fa’aletonu ua fa’aali mai e Bourke – Muamua, o aga ia a se Malo o lo o pulea Samoa i le fa’aaogaina o ni togafiti e mafai ai ona toe palota le atunu’u ina ia toe tu mai le pulega HRPP ma le ta’ita’i o iai nei.
Lua, o aga fo’i ia a se Malo e le o mana’o e silafia e le mamalu o le atunu’u le mau aitalafu ua fa’atupuina tusa ua $900 miliona i le 2009/2010 (Bouke i le Samoa Observer 18/6/09). Ua fa’apea mai Bourke o le totogiina o lea aitalafu tusa e $50,000 le tupe a le tagata e to’atasi e aofia ai fanau iti.
Tolu, o aga fo’i ia a se Malo ua ‘augofie e talia ni fautuaga mai i fale nono tupe i fafo.
E tatau ona silasila toto’a le mamalu o le atunu’u po o le a tonu ua iai ai le Ofisa o le Faletupe o le Lalolagi ma le Faletupe o Asia i Apia? E tatau fo’i ona silafia e le mamalu o le atunu’u e iai fa’afitauli mo le lautele o Samoa pe a fa’aulu atu Samoa i totonu o le Fa’alapotopotoga o Fefa’ataua’iga o le Lalolagi. E tatau ona fesiligia tagatanu’u o Vanuatu, Papua ma Toga o lo o tele lo latou mafatia talu ai ni maliega a ia Malo na faia ma le le silafia e tagata o ia Atunu’u i le Pasefika.
Ia manatua Samoa o fesoasoani o lo o aumaia i Samoa i luga o ni feutana’iga o le Malo o Samoa ma Fafo e le aumai fua. E tatau lava ona toe totogi.
Talofa e i le tupulaga fai a’e ma tupulaga e le i Soifua mai.
Ia manuia lava Samoa ma le sauni atu i le Palota ia Mati 2011
Ma lo’u fa’aaloalo lava,
Meripa Weir (Fiafia e auauna mai Vasa mo Samoa).
E LE TEMOKARASI PULEGA ITU TASI I SAMOA
Lau Susuga i le Fa’atonu,
Ou te momoli atu le fa’amalo i le tusitala o T.V. Bourke o Si’usega ona o lana tusi i le Fa’atonu (Aso To’ona’i 27 Fepuari 2010) e fa’aulutalaina ‘Samoa no democracy, one party state’ ou te fa’aliliuina i le fa’a-Samoa, ‘E le o iai se fa’a-temokarasi i pulega fa’a-itu-tasi a le Setete o Samoa’.
Talu ai o lo o fa’ailoa mai i le tusi a Bourke ni mataupu e tatau ona silafia e le mamalu o le atunu’u a o sauni atu mo le palota ia Mati i le Tausaga Fou, ua ou taumafai e fa’aSamoaina manatu o Bourke o lo o i lana tusitusiga ona fa’aali lea o nai o’u fo’i manatu e fa’avae i le agaga alofa mo le atunu’u pele o Samoa.
Ua fa’aalia i tolaulauga a T.V.Bourke, o lo o ua saisaitia pe lokaina e le Malo HRPP o aia tatau fa’atemokarasi o tagata Samoa. Ma ua masalo Bourke ‘ai o le mafua’aga lea ua le toe lagona ai le si’ufofoga o le afioga i le Ali’i Sui Palemia sa masani ona tau’alagaina le taua o pulega lelei , pulega manino, po o pulega e fa’ailoa ona tulaga uma i le atunu’u o lo o ua tautuaina.
O se masaloga o Bourke ai fo’i ua lagona e le afioga a le Ali’i Sui Palemia o nei tulaga fa’apule’aga sa masani ona fiafia e taualagaina, ua le mafai ona fa’atinoina ia tulaga i totonu o Samoa i lalo o le pule’aga a le HRPP.
Ua fa’aalia e Bourke ua mafua ona saisaitia pe lokaina aia tatau o tagata Samoa mo tausaga e tele ona o itu nei. Muamua, ona e le talafeagai tu’utu’uga fa’ale-Malo mo le atina’e o le tamaoaiga ma tulaga tonu tau le soifua ua feagai ma aiga nu’u ma alalafaga. Lua, ua malosi tele le puleaina (pulepule tutu) o le ‘aufaigaluega ma ofisa ‘ese’ese a le Malo ma ua leai se sa’olotoga e fa’aalia ai ni pona i totonu o ofisa ma matagaluega ona o popolega i le fa’ate’aina ma galuega. Tolu, ua le temokarasi taualumaga i totonu o le Palemene ona ua ‘avea le to’atele o sui o le HRPP i totonu o le Palemene ua faigofie ai ona pasia o ni tulafono ua mana’omia e le Malo e aunoa ma se itu-tete’e e mafai ona fa’alavelave ma fesiligia le Malo. O le ala fo’i lea e taumafai lava le Malo ina ia leai se itu-tete’e i totonu o le Palemene o Samoa. Pau o le avanoa e mafai ai ona fa’aali se tete’e o totonu lea o le Fale Fa’amasino a e taugata tele lea auala.
Ua fa’apea mai Bourke, o tulaga fa’ale-Malo ua ta’ua i luga ua faigofie ona tula’i mai ona - Muamua, e le o iai se Komisi Tuto’atasi e fa’afoeina ma siakiina tulaga o faiga palota lautele. Lua, e le o fa’amaoni atoatoa le fa’atinoina o faiga palota, ma lona tolu, e le o fa’aaogaina le Fa’avae o le Malo Tuto’atasi o Samoa e fa’asinosino faiga palota ina ia aloa’ia ai aia fa’ale-tulafono o tagata uma e mafai ona palota e le gata i totonu o Samoa a e o atunu’u i fafo.
O le fa’aaliga fo’i a Bourke e uiga i ni fa’amasinoga sa faia e patino i palota lautele o le 2006 na iai i latou sa tatau ona fa’asalaina (aofia ai Minisita) ona sa fa’atau i tupe palota a tagata a e peita’i e le i iai se fa’atinoga o ia fa’asalaga e le Komisi o Faiga palota a le Malo. E foliga sa noatia le Komisi a le Malo e se fa’atonuga mai luga o le pule’aga a le Malo HRPP.
O le atugaluga o ia Burke, afai e le fo’ia tulaga ua fa’atupuina e le Malo o le HRPP o le a noatia pe lokaina atili ai le sa’olotoga mo le fa’atinoina o aia tatau fa’atemokarasi o tagata i aso nei ma taimi o i lumana’i.
Ua taua ai loa i le finagalo o Burke le iai loa o ni auala e foia muamua ai ni tulaga fa’aletonu se fa(4) ua na filifili mai lana lisi o fa’aletonu:-
O le fa’aletonu muamua – E fa’atatau lea i ala tupe sa fa’aaoga i fa’atosina na fesoasoani i le toe palotaina e le atunu’u o le HRPP.
Ua tula’i mai i le tolaulauga a Bourke, o le fa’atupeina e le Malo HRPP o a latou sauniga ma fa’atosina mo le Palota Lautele i le 2006 (12 i le 18 masina a o loma le palota) sa fa’alagolago malosi le Malo i tupe o lafoga a tagata faigaluega. O ia tupe e aofia ai tupe na fa’aaogaina e ni Minisita mo a latou fa’atosina. O se ata fa’ata’ita’i ua tu’u mai e Bourke, afai e 80,000 le aofa’i o e na lesitalaina e palota, a e sa fa’atauina e le Malo i le $100 a le tagata palota e to’atasi, lona uiga e $8 milliona sa fa’aalu. Afai o le 60 pasene sa fa’atauina i le tau lava lea, lona uiga e $4.8 miliona sa fa’aalu. Afai sa fa’atauina i le $50 le palota e tasi le 60 pasene o palota lona uiga e $2.4 miliona sa fa’aalu.
Ua fa’apea mai fo’i Bourke, a toe fa’aopoopo atu iai ma le fa’aaogaina o ala leo e iai le TV1, 2AP, ma Nusipepa pei o le Savali. E o’o mai i le taimi nei e le o manino pe fia tupe o ia fesoasoani a tagata faigaluega a le Malo a e o se masaloga o Bourke pe $2 miliona i le $4 miliona.
Ua fa’ailoa mai fo’i e Bourke o le tau o sauniuniga ma fa’atosina a le itu SDUP mo le palota 2006 e $450,000-$500,000 pe a fa’atusa i tupe fa’aaogaina e le HRPP.
Talu ai e tau i miliona tupe fa’aalu mo fa’atosina a le HRPP i le palota 2006, ua tu’uina mai ai le fesili e Bourke mo le silasila toto’a ma le fa’autaga loloto a Samoa a o sauni atu mo le palota ia Mati 2011.
O le fesili a Bourke – AFAI NA FA’AAOGAINA E LE HRPP TUPE O LAFOGA I LE MALO MO FA”ATOSINA, O FEA NA AUMAI AI ISI TUPE E FA’AATOA AI LE TAU ATOA NA FA’AALU I LE PALOTA 2006?
Ua mautinoa e Bourke, o le mafua’aga o le le manino o tulaga tau tupe fa’aaogaina i fa’atosina i faiga palota, o le leai lea o se fa’atonuga i totonu o Tulafono fa’atatau i .faiga palota, e mana’omia ai le fa’amaumauina i lipoti tusitusia o tulaga uma tautupe mo palota mo le silafia manino e le mamalu o Samoa. Ua fa’amamafa fo’i e Bourke le aofia i lipoti tusitusia o alaga tupe mo palota e le gata i faletupe i totonu o Samoa a o faletupe i atunu’u i fafo. E lagolagoina ai e Bourke le iai o se Komisi tuto’atasi e iloiloina fa’amaumauga o tupe fa’aaoga i fa’atosina mo palota a pati uma.
O le manatu o Bourke e ao ona fa’atapula’a o tupe maua e Pati uma e tauva i le Palota ina ia tete’e atu ai i le fa’aloloto ma le fa’atauina i tupe o palota a tagata e se Pati e tasi.
O le Fa’aletonu lona Lua - E leai se Ofisa e sa’oloto pe tuto’atasi i Samoa e su’esu’eina ni amioletonu, po o ni faiga fa’anana e le Malo.
O le manatu o Bourke, e ui ina iai Le Ofisa Su’e Tupe Sili a le Malo, Le Ofisa mo Fa’atagi ma ni fa’asea i le Aufaigaluega a le Malo, Atoa ai ma le Ofisa o Leoleo, e le mafai e nei ofisa ona fa’atino atoa ni su’esu’ega ona o lo o pule pea le Malo HRPP i galuega fai a ia ofisa. Afai fo’i e tu’uina i luma o le Palemene se mata’upu e fa’ailoa atu ai ua iai ni amioletonu ma le tusa ai ma tulafono i totonu o Ofisa ma matagaluega a le Malo, e mafai lava e le Malo ona te’ena ia ituaiga ripoti e pei ona sa iai i se lipoti na tu’uina i luma o le Palemene e le Afioga a le Ali’i Faipule o Le Mamea Ropati i le 2005.
Ua fa’apea Bourke, na talosaga le Afioga ia Le Mamea mo se Komisi tuto’atasi ( o taimi ia a o ta’ita’i o ia i le SDUP) e su’esu’eina ni tulaga amioletonu e fa’atatau i le fa’aaogaina o tupe i totonu o le Ofisa o le Soifua Maloloina fa’atasi ai ma le mafua’aga o le Tete’e a ali’i ma tama’ita’i foma’i.
Ua fa’aalia e Bourke, na te’ena e le Afioga i le Palemia le mau a Le Mamea ona sa manatu le Palemia e taugata tele se Komisi tuto’atasi nai lo le fa’aaoga o se Komiti Fa’apitoa a le Malo e su’esu’eina ia fa’aletonu. Na manino ma ai i le te’ena o lea mau le mana’o pea o le Malo na te pulea ose Komiti tofia e faia ni su’esu’ega.
E ui la ina sa pasia i le Palemene le iai o se Komiti Fa’apitoa a le Malo e su’esu’e ia fa’aletonu i le Matagaluega a le Soifua Maloloina, ua fa’aali mai e Bourke e le i fa’atinoina lea fa’amoemoe. Na i’u ina tulei fa’asalulimaina i lalo o fala lea mataupu.
Ua manatu ai Bourke e le toe mafai ona maua se avanoa mo se Komisi Su’esu’e Tuto’atasi i lalo o le Malo HRPP ma lona ta’ita’i o iai nei.
O se popolega o Bourke ua mana’omia ai se iai o se Komisi Su’esu’e Tuto’atasi, o se lipoti ua tusia ai le le totogiina o tiute o ‘oloa mai fafo e i latou e ‘au aumai ‘oloa i totonu o le atunu’u mai ia Ianuari 2007 e o’o ia Iulai 2009. Mo se lisi e 925 e tusa ma le $11.2 miliona , ma se isi lisi e 1474 e tusa ma le $16,195 ni tupe e le i totogiina. O se fesili la ua tu’uina mai e Bourke, o fea se komiti e ‘ave iai se fa’atuatuaga o le atunu’u e mafai ona fa’afeagai ma ia fa’aletonu ina ia tu’uina iai ni atugaluga a o le i tu’uina i se Su’esu’ega a se Komisi Su’esu’e Tuto’atasi?
O Le Fa’aletonu Lona Tolu - O le le lagolagoina e le Malo HRPP o le avanoa e mafai ai e tagata Samoa o i atunu’u i fafo ona palota i Palota Lautele a e maise le palota o loma ia Mati 2011.
Ua fa’aalia e Bourke le agaga fa’afetai o le HRPP ae maise o le Afioga i le Ali’i Palemia i tupe lafoina mai e Samoa o lo o aumau i atunu’u i fafo. E le gata fo’i i tupe lafo masani mo aiga a e o fesoasoani fo’i tautupe sa tau’a’ao mai i le Malo mo aiga ma nu’u na a’afia ma puapuagatia i le Sunami i le tausaga ua te’a. E le galo fo’i i le Malo HRPP le fesoasoani mai o Samoa i atunu’u i fafo i le aumai o ta’avale mo aiga i Samoa talu na sui le itu e feoa’i ai ta’avale.
Ua fa’ailoa mai e Bourke le aofa’i e $350 miliona lafo mai i aiga i le 2008 fa’aopoopo la iai ma le $330 miliona (Ianuari –Novema) i le 2009. E manino lava ile Malo HRPP le maoa’e o le sao o tagata Samoa o alaala i fafo i le atina’e o le tamaoaiga o Samoa. Pe a fa’atusatusa la ma fefa’atauaiga i atunu’u i fafo na o le $27 i le $30 miliona tupe maua mo Samoa.
Ua fa’aalia e Bourke o le ala lea o lo o tu’itu’i mai ai pea tagata Samoa i atunu’u i fafo i le faitoto’a o le Afioga i le Ali’i Palemia ma le Malo HRPP ina ia amana’ia lo latou sao i le atunu’u ma lo latou fia auai i Palota faitele mo le filifiliga o e ta’ita’i e puleaina le tamaoaiga o lo latou atunu’u o Samoa. O lea mana’o o Samoa aumau i atunu’u i fafo o lo o fa’atagaina fa’ale-tulafono lea i le Fa’avae o le Malo Tuto’atasi o Samoa ma le Tulafono o faiga palota lautele.
Ua ta’ua fo’i e Bourke o le mataupu fo’i lenei o le fia palota o Samoa aumau i atunu’u i fafo, sa lagaina e le Afioga i le ali’i faipule o Le Mamea a o loma Palota faitele o le 2006. A e peita’i sa te’ena e le Afioga i le ali’i Palemia le mau a Le Mamea e ui o se mataupu lea ma se matafaioi a se Komisi Tuto’atasi o Faiga Palota. Ua fa’asino mai Bourke, a silasila i le Tulafono o faiga palota, o le tiute o le Komisi o Faiga Palota, o le lesitalaina lea o suafa uma o i latou ua pasia mo le palota i so o se alalafaga o aumau ai ma fa’atino tulaga ina ia mafai ai ona palota i latou uma e fia palota. O tulaga masani lava nei o lo o fa’atino e atunu’u temokarasi i fafo atu o Samoa.
Ua fa’ailoa mai la e Bourke ole tali o iai i le taimi nei a le Palemia ma le malo HRPP, e ao ona malaga i Samoa o e fia auai i faiga palota ina ia resitala muamua ona e taugata tele ona fa’atino galuega a se Komisi mo faiga palota mo e o aumau i atunu’u i fafo. Lona uiga ua galo a’ia’i i le Malo HRPP le $350 miliona o le tului a uso o i fafo i le atina’e o Samoa. O se fa’ai’uga a Bourke i le le amana’iaina o le sao a Samoa mai fafo, aua fo’i a aofia nei palota i faiga palota e i’u ina le malosi le lokaina e le Malo HRPP o aia fa’atemokarasi a tagata ma i’u ai ina sa’oloto tagata e filifili se Malo Fou.
Ua fautuaina loa e Bourke ia Samoa o aumau i fafo ina ia galulue fa’atasi ia fa’ataunu’u le tiute fa’ale-tulafono a le Malo e resitala ai Samoa i atunu’u i fafo mo le Palota ia Mati 2011. Afai loa o le a le taliaina pea e le Malo HRPP lea mana’oga e tatau loa ona sauni Samoa i fafo e tu’uina se fa’atagi i luma o le Fa’amasinoga Maualuga i Samoa.
O le Fa’aletonu Lona Fa - O le fa’aaogaina lea e le HRPP o le Pulega – E-To’atolu o totogi o tagata faigaluega a le Malo. O sea Pulega to’atolu e patino la latou galuega i le fuafuaina o si’itaga o totogi o le ‘aufaigaluega a le Malo.
Ua fa’aalia e Bourke, na fautuaina e le Pulega -E-To’atolu mo le 2005, se si’i e 42 pasene o totogi ma alauni mo tagata faigaluega i le Malo e aofia ai ma faipule. O sea si’i e fa’atinoina mo tausaga e tolu. A e na fautuaina se isi si’i e 11pasene mo le amataga o le 2009. Peita’i na taofia e le Kapeneta lea si’i mo le 2009 e pei o le mafua’aga ona o le pa’u fa’afuase’i o le tulaga o tupe maua i le lalolagi.
Ua manatu loa Bourke, e le taumate a o sauni atu le Malo mo Palota lautele o le 2011, o le a fa’atupu tele le si’i mo tagata faigaluega a le Malo i le 20/25 pasene mo tupe fuafuaina mo le 2010/2011. O lona uiga o le 11 pasene na fuafuaina ina ia aofia ai le si’i o le taugata o le soifuaga talu mai le si’i e 42pasene o totogi.
Ua fa’apea mai Bourke o si’i ua fuafuaina nei sa fai ma le leai o se fa’atatau i suiga ua iai le atina’e tautupe a le atunu’u; le si’itia o tau o galuega, lafoga, po o le tau o le soifuaga e totogiina e le atunu’u. O le isi fo’i itu e le i fuafua iai le si’i o totogi o le fa’ato’ateleina pea o e ua i le vasega o e ua maualalo tele lo latou tamaoaiga ma le vavamamao o le tamaoaiga a le aufaigaluega a le malo pe a fa’atusa i e alala i nu’u i fafo o Apia ma alalafaga i totonu lava o le taulaga.
Ua fa’ailoa mai fo’i e Bourke o le si’i ua fuafuaina mo le aufaigaluega a le Malo o le a a’afia ai fo’i tupe e tatau ona fa’aalu i ‘oloa mo le fa’atinoina o galuega pei o galuega i falema’i e mana’omia ai vaitui, fuala’au, vai fai fusiga vai mo le fafagaina o le tino ma isi ‘oloa taua.
Ua manatu fo’i Bourke o le a le mafai nei ona si’i i le 20/25 pasene le totogi pito i maualalo o iai nei e $4,160 i le tausaga. E le i mauaina se si’itaga e 42 pasene ma o lo o gata mai lava ia Setema 2005 talu ona si’i lenei tulaga.
Ua fa’aalia e Bourke e leai ni alauni o fuafuaina mo faifa’ato’aga ma e galulue i nu’u i tua ina ia fetaui ma le si’i o le tau o le soifuaga ua iai nei le atunu’u.
O se fesili ua tu’uina mai e Bourke –
PO O NEI FUAFUAGA UA FAIA E LE MALO, O IAI EA SE AGAGA INA IA MANUIA TAGATA UMA PE NA O E UA FILIFILIA E LE MALO HRPP?
O so’u manatu la i nei tulaga fa’aletonu ua fa’aali mai e Bourke – Muamua, o aga ia a se Malo o lo o pulea Samoa i le fa’aaogaina o ni togafiti e mafai ai ona toe palota le atunu’u ina ia toe tu mai le pulega HRPP ma le ta’ita’i o iai nei.
Lua, o aga fo’i ia a se Malo e le o mana’o e silafia e le mamalu o le atunu’u le mau aitalafu ua fa’atupuina tusa ua $900 miliona i le 2009/2010 (Bouke i le Samoa Observer 18/6/09). Ua fa’apea mai Bourke o le totogiina o lea aitalafu tusa e $50,000 le tupe a le tagata e to’atasi e aofia ai fanau iti.
Tolu, o aga fo’i ia a se Malo ua ‘augofie e talia ni fautuaga mai i fale nono tupe i fafo.
E tatau ona silasila toto’a le mamalu o le atunu’u po o le a tonu ua iai ai le Ofisa o le Faletupe o le Lalolagi ma le Faletupe o Asia i Apia? E tatau fo’i ona silafia e le mamalu o le atunu’u e iai fa’afitauli mo le lautele o Samoa pe a fa’aulu atu Samoa i totonu o le Fa’alapotopotoga o Fefa’ataua’iga o le Lalolagi. E tatau ona fesiligia tagatanu’u o Vanuatu, Papua ma Toga o lo o tele lo latou mafatia talu ai ni maliega a ia Malo na faia ma le le silafia e tagata o ia Atunu’u i le Pasefika.
Ia manatua Samoa o fesoasoani o lo o aumaia i Samoa i luga o ni feutana’iga o le Malo o Samoa ma Fafo e le aumai fua. E tatau lava ona toe totogi.
Talofa e i le tupulaga fai a’e ma tupulaga e le i Soifua mai.
Ia manuia lava Samoa ma le sauni atu i le Palota ia Mati 2011
Ma lo’u fa’aaloalo lava,
Meripa Weir (Fiafia e auauna mai Vasa mo Samoa).
posted by Meripa Weir at 3:36 AM
0 Comments:
Post a Comment
<< Home