Tofa ia, Lau Susuga Peniamina Aumaga
Lauga saunia e le Susuga Peniamina Aumaga, Faifeau EFKS Moata’a
I le Sauniga o le Maliu o Vavae Toma(lo'u tama), 8 Me, 2004
Mataio 25 fuaiupu 34, o iai upu ou te fa’atauaina:
“O maia, outou ua fa’amanuiaina e o outou Tama, ia fai mo outou tofi le malo ua saunia mo outou, talu ona fa’avaeina le lalolagi”. O le manatu autu O le aso lenei e pei ona fa’atulagaina i le Tusi Faitauaso e fa’apea, “ E le o upu ma gutu, a e o le fa’amaoni ma galuega lelei”. Na ou taofi i le molimau muamua a le fanau upu nei, “o Vavae, e le se tagata e fiafia e tautala so’o”, E le o upu ma gutu, a o le fa’amaoni ma galuega lelei efai.
Tou te le iloa ‘ea ua maliu le ali’i tele o Vaivase i le aso nei?
Tou te le iloa ea ua maliu le ali’i tele o le Ekalesia Fa’apotopotoga Kerisiano i Samoa, i le aso nei?
Tou te le iloa ea ua maliu le ali’i tele o le Malo Tuto’atasi o Samoa i le aso nei?
O tagata Isaraelu, e le fa’atulagaina o latou taua i ni tamaoaiga tusa lava po o le a le tele. E le faavasegaina fo’i tagata taua o Israelu i le tele o tupe ma le ‘oa latou te maua. E fa’atulagaina tagata taua i o latou aoga. Tusa pe tele le tamaoaiga ma maoa’e le poto, a le aoga, e le tagi ai seisi pe a o’o i lona toe taimi. Na o tagata aoga e tagi ai tagata o le Ali’i. E tagi ai le lagi ina ua maliu le ali’i tele. E tagi ai le agaga ina ua maliu le alii Tele.
Na tagi Tavita ina ua logo atu le tala ua maliu Api’neru. E le aiga. E le o sana tama. E le o sana fitafita. O le ta’ita’i Au a Saulo. E afua i se a ona tagi? E le se so’otaga tau toto. A e ina ua logo ia Tavita le tala. Ona tagi ai lea o Tavita. E avatu iai mea’ai ae fai mai lana tali, ia foa’i e le Ali’i mea ia fa’aopoopoina pe a ou ai sina mea ao le i alu ifo le la. Aso atoa o fa’aoge le Tupu. Se ia po fa’atoa pa’i i se mea’ai, ma inu.
Leaga ua alu le tagata aoga.
O le aoga o le tagata lea o Apineru, Ina ua vevesi ma pisi le tai i le va o aiga e lua o Saulo ma Tavita, O ia lea, e ui ina ua tau mo Saulo, na ia lagona i lona loto, O Tavita O se tagata ua filifilia e le Atua. O le ala lea na ia tu’ua ai le au tau a Saulo a e alu e saili le filemu ia Tavita. Na ia osi le feagaiga ma fa’afeso’ota’i aiga ua fetaua’i ona o le sailiga o le pule ma le nofoali’i. O le galuega lelei lea na faia e Apineru. E fa’amaoni lona loto i le Atua. Ina ua alu atu ia Tavita, ua fa’afetai Tavita ma toe auina atu o ia ma le saogalemu. E ui ina felamata’i i aso e tele, a e ina ua iloa e Tavita le fa’amaoni ma le galuega ua ia faia, na lagona lona fiafia. O le tagata aoga, lea ua oti. Ua to lana tu palapala ma lana fa’alupega. Fai mai Tavita, Isaraelu, O le Ali’i tele, ua maliu i le aso nei. Tagata aoga.
Leaga o Apineru lea. Na tafa ai ata lelei ma to ai malama o le Malo Tu’ufa’atasi o Isaraelu i lalo o le ta’ita’iga a Tavita, ina ua maopoopo ia te ia ituaiga e sefulu ma le lua.
A o le mea na fa’amaite e Apineru. O le Ali’i Tele. O le uiga fo’i lea o uiga o le fetalaiga a le Ali’i o Iesu i le Feagaiga Fou: “ Pe a afio mai le Atali’i o l e tagata i Lona mamalu, ma nofoi i lona nofoali’i, ina ia fa’amasino tagata lelei ma tagata fa’ale-lelei; o mamoe ma ‘oti. O fea lou nofoaga? E te taumatau pe ete agavale?
E fua le mea e te nofo ai i lou aoga. E le fuaina i ni au tupe ma sou tamao’aiga. E le fuaina i sou poto ma sou atamai. E fua i lou aoga. Pe sa fa’apefea ona e soifua ma o tatou ola.
O Vavae, o se tagata aoga. O le ali’i tele o Vaivase. O le ali’i tele o le Ekalesia Fa’apotopotoga Kerisiano i Samoa. O le ali’i tele o le pasefika. O le ali’i tele o le Malo. E molimau ana galuega. E molimau le Tusi Pese a le EFKS. E molimau lana pine taualoa. E molimau ona tulaga.
Ua maliu i le aso le ali’i tele, e fai ma a’oa’oga mo i tatou, E le ole tatou malosi, a o le Ali’i. Ina ia o’o mai fo’i o tatou taimi, a o ta’uaogaina i tatou i lo tatou ola mo le Atua.
Amuia Vavae. Amuia le fanau ma le aiga…Amuia Vaivase ua latou maua se tama ta’uaogaina
Ulufale maia i le fiafia o lou ali’i. ..ma ia fai mou tofi le Malo ua saunia, talu mai le amataga o le lalolagi.
Ua maliu le Ali’i Tele…AMENE.
Faafetai Peniamina. E manatua pea le talalelei na e folafola, a'oa'o mai ai le finagalo o Iesu. Ia manuia lau malaga.
Meripa
I le Sauniga o le Maliu o Vavae Toma(lo'u tama), 8 Me, 2004
Mataio 25 fuaiupu 34, o iai upu ou te fa’atauaina:
“O maia, outou ua fa’amanuiaina e o outou Tama, ia fai mo outou tofi le malo ua saunia mo outou, talu ona fa’avaeina le lalolagi”. O le manatu autu O le aso lenei e pei ona fa’atulagaina i le Tusi Faitauaso e fa’apea, “ E le o upu ma gutu, a e o le fa’amaoni ma galuega lelei”. Na ou taofi i le molimau muamua a le fanau upu nei, “o Vavae, e le se tagata e fiafia e tautala so’o”, E le o upu ma gutu, a o le fa’amaoni ma galuega lelei efai.
Tou te le iloa ‘ea ua maliu le ali’i tele o Vaivase i le aso nei?
Tou te le iloa ea ua maliu le ali’i tele o le Ekalesia Fa’apotopotoga Kerisiano i Samoa, i le aso nei?
Tou te le iloa ea ua maliu le ali’i tele o le Malo Tuto’atasi o Samoa i le aso nei?
O tagata Isaraelu, e le fa’atulagaina o latou taua i ni tamaoaiga tusa lava po o le a le tele. E le faavasegaina fo’i tagata taua o Israelu i le tele o tupe ma le ‘oa latou te maua. E fa’atulagaina tagata taua i o latou aoga. Tusa pe tele le tamaoaiga ma maoa’e le poto, a le aoga, e le tagi ai seisi pe a o’o i lona toe taimi. Na o tagata aoga e tagi ai tagata o le Ali’i. E tagi ai le lagi ina ua maliu le ali’i tele. E tagi ai le agaga ina ua maliu le alii Tele.
Na tagi Tavita ina ua logo atu le tala ua maliu Api’neru. E le aiga. E le o sana tama. E le o sana fitafita. O le ta’ita’i Au a Saulo. E afua i se a ona tagi? E le se so’otaga tau toto. A e ina ua logo ia Tavita le tala. Ona tagi ai lea o Tavita. E avatu iai mea’ai ae fai mai lana tali, ia foa’i e le Ali’i mea ia fa’aopoopoina pe a ou ai sina mea ao le i alu ifo le la. Aso atoa o fa’aoge le Tupu. Se ia po fa’atoa pa’i i se mea’ai, ma inu.
Leaga ua alu le tagata aoga.
O le aoga o le tagata lea o Apineru, Ina ua vevesi ma pisi le tai i le va o aiga e lua o Saulo ma Tavita, O ia lea, e ui ina ua tau mo Saulo, na ia lagona i lona loto, O Tavita O se tagata ua filifilia e le Atua. O le ala lea na ia tu’ua ai le au tau a Saulo a e alu e saili le filemu ia Tavita. Na ia osi le feagaiga ma fa’afeso’ota’i aiga ua fetaua’i ona o le sailiga o le pule ma le nofoali’i. O le galuega lelei lea na faia e Apineru. E fa’amaoni lona loto i le Atua. Ina ua alu atu ia Tavita, ua fa’afetai Tavita ma toe auina atu o ia ma le saogalemu. E ui ina felamata’i i aso e tele, a e ina ua iloa e Tavita le fa’amaoni ma le galuega ua ia faia, na lagona lona fiafia. O le tagata aoga, lea ua oti. Ua to lana tu palapala ma lana fa’alupega. Fai mai Tavita, Isaraelu, O le Ali’i tele, ua maliu i le aso nei. Tagata aoga.
Leaga o Apineru lea. Na tafa ai ata lelei ma to ai malama o le Malo Tu’ufa’atasi o Isaraelu i lalo o le ta’ita’iga a Tavita, ina ua maopoopo ia te ia ituaiga e sefulu ma le lua.
A o le mea na fa’amaite e Apineru. O le Ali’i Tele. O le uiga fo’i lea o uiga o le fetalaiga a le Ali’i o Iesu i le Feagaiga Fou: “ Pe a afio mai le Atali’i o l e tagata i Lona mamalu, ma nofoi i lona nofoali’i, ina ia fa’amasino tagata lelei ma tagata fa’ale-lelei; o mamoe ma ‘oti. O fea lou nofoaga? E te taumatau pe ete agavale?
E fua le mea e te nofo ai i lou aoga. E le fuaina i ni au tupe ma sou tamao’aiga. E le fuaina i sou poto ma sou atamai. E fua i lou aoga. Pe sa fa’apefea ona e soifua ma o tatou ola.
O Vavae, o se tagata aoga. O le ali’i tele o Vaivase. O le ali’i tele o le Ekalesia Fa’apotopotoga Kerisiano i Samoa. O le ali’i tele o le pasefika. O le ali’i tele o le Malo. E molimau ana galuega. E molimau le Tusi Pese a le EFKS. E molimau lana pine taualoa. E molimau ona tulaga.
Ua maliu i le aso le ali’i tele, e fai ma a’oa’oga mo i tatou, E le ole tatou malosi, a o le Ali’i. Ina ia o’o mai fo’i o tatou taimi, a o ta’uaogaina i tatou i lo tatou ola mo le Atua.
Amuia Vavae. Amuia le fanau ma le aiga…Amuia Vaivase ua latou maua se tama ta’uaogaina
Ulufale maia i le fiafia o lou ali’i. ..ma ia fai mou tofi le Malo ua saunia, talu mai le amataga o le lalolagi.
Ua maliu le Ali’i Tele…AMENE.
Faafetai Peniamina. E manatua pea le talalelei na e folafola, a'oa'o mai ai le finagalo o Iesu. Ia manuia lau malaga.
Meripa
posted by Meripa Weir at 11:43 PM
0 Comments:
Post a Comment
<< Home