Tatalo - Patele Tovi'o 1987 Mo le Tuto'atasi o Samoa
Le Atua paia e, o Le e ona Le Alofa Tunoa ma le Alofa mutimutivale uma lava. O le Ali'i o nu'u ma atunu'u, o Malo ma Ekalesia, ma tagata ta'ito'atasi uma....
Le Ali'i e, a o matou fa'amanatuina Lou Alofa ma Lau Fa'aolataga, .... fesoasoani mai ina ia toe fa'amumuina o matou loto ma mafaufau e Lou Agaga Paia, e ofoina atu ai lo matou Malo mo Lau fa'amanuiaga ma ia usiusita'i ai i Lau ta'ita'iga....
Ia fa'aauauina pea ona maua mo lo matou Malo, ta'ita'i lelei, o e ua a'oa'oina i le poto ma uiga o Lou Malo Keriso. Fa'atumuina o matou Faipule, o Fa'atonu o Matagaluega ma Fa'alapotopotoga eseese, o pulega i Itumalo ma Nu'u, i fa'amoemoega mama, o mafaufauga sagatonu, ma le loto lelei. Ia fulitua i le manatu fa'apito, le faivaega ma le fa'aitu'au, ua afaina tele ai le olaga sa'oloto, ma le matagofie o le Mafutaga fa'a-uso o tagata uma.
...foa'i i loto ma mafaufau o Fa'amasino, Foma'i, Loia, Faia'oga, Tausiga o Tupe, o i latou uma ua foaina i ai poto eseese faa-Filosofia ma faa-Saenisi, o i latou ua iai fa'amanuiaga e tele o le 'oa ma le tamaoaiga, ia latou fiafia i au tulafono, e fa'aaoga ma fa'asoasoa lelei ai a latou taleni ma fa'amanuiaga ua latou maua, e liligi atu ma foa'i atu mo le manuia o tagata uma.
......
Le Tama Alofa e, lavea'ina Samoa mai uiga fa'amata'u o mea tau faa-Niukikia. A ia vave mai le aso e fa'ato'ilaloina ai lenei agasala mata'utia o le fa'amaualuga, o le fia pule, o le saua vale ma le taui ma sui, ua mafua ai taua ma fevaevaea'iga. A ia 'au fa'atasi Malo uma ma tagata uma, e ati a'e se lalolagi fou ma le lelei, e fa'aalia ai le Alofa, le Upu Moni, le Amiotonu ma le Filemu. Ia faalia ai fo'i le galulue fa'atasi mo le lelei aoao o tagata uma; ina ia moni le o'o mai o lou Malo i o matou ola, ma ia faia ai lou Finagalo i le lalolagi, e pei ona faia i le lagi...AMENE
....as relevant now as it was then as we think of Samoa since Independence 1962 and prior to independence.... also globally as we think of the world in the twentieth century. Patele Tovi'o was a good friend of Vavae Toma(my father)...a regular visitor to the family.
Le Ali'i e, a o matou fa'amanatuina Lou Alofa ma Lau Fa'aolataga, .... fesoasoani mai ina ia toe fa'amumuina o matou loto ma mafaufau e Lou Agaga Paia, e ofoina atu ai lo matou Malo mo Lau fa'amanuiaga ma ia usiusita'i ai i Lau ta'ita'iga....
Ia fa'aauauina pea ona maua mo lo matou Malo, ta'ita'i lelei, o e ua a'oa'oina i le poto ma uiga o Lou Malo Keriso. Fa'atumuina o matou Faipule, o Fa'atonu o Matagaluega ma Fa'alapotopotoga eseese, o pulega i Itumalo ma Nu'u, i fa'amoemoega mama, o mafaufauga sagatonu, ma le loto lelei. Ia fulitua i le manatu fa'apito, le faivaega ma le fa'aitu'au, ua afaina tele ai le olaga sa'oloto, ma le matagofie o le Mafutaga fa'a-uso o tagata uma.
...foa'i i loto ma mafaufau o Fa'amasino, Foma'i, Loia, Faia'oga, Tausiga o Tupe, o i latou uma ua foaina i ai poto eseese faa-Filosofia ma faa-Saenisi, o i latou ua iai fa'amanuiaga e tele o le 'oa ma le tamaoaiga, ia latou fiafia i au tulafono, e fa'aaoga ma fa'asoasoa lelei ai a latou taleni ma fa'amanuiaga ua latou maua, e liligi atu ma foa'i atu mo le manuia o tagata uma.
......
Le Tama Alofa e, lavea'ina Samoa mai uiga fa'amata'u o mea tau faa-Niukikia. A ia vave mai le aso e fa'ato'ilaloina ai lenei agasala mata'utia o le fa'amaualuga, o le fia pule, o le saua vale ma le taui ma sui, ua mafua ai taua ma fevaevaea'iga. A ia 'au fa'atasi Malo uma ma tagata uma, e ati a'e se lalolagi fou ma le lelei, e fa'aalia ai le Alofa, le Upu Moni, le Amiotonu ma le Filemu. Ia faalia ai fo'i le galulue fa'atasi mo le lelei aoao o tagata uma; ina ia moni le o'o mai o lou Malo i o matou ola, ma ia faia ai lou Finagalo i le lalolagi, e pei ona faia i le lagi...AMENE
....as relevant now as it was then as we think of Samoa since Independence 1962 and prior to independence.... also globally as we think of the world in the twentieth century. Patele Tovi'o was a good friend of Vavae Toma(my father)...a regular visitor to the family.
posted by Meripa Weir at 4:19 PM
0 Comments:
Post a Comment
<< Home