Solo Tete'e fa'asaga ile Malo pulepule tutu i Aikupito.

Ua valu nei aso o tumutumu pea le laumua o Aikupito o Kairo, i ni solo tete'e fa'asaga i le Malo ma lona ta'ita'i o Mubarak. Ua le fa'atuatuaina e tagatanu'u pulega pulepule tutu e leai se sa'olotoga pei ona fa'atagaina i Fa'avae tuaituaia mo le sa'olotoga e fa'aali manatu, feiloa'i ma potopoto, po o le sa'olotoga e tete'e i le taugata o le olaga i lalo o le Malo a Mubarak. Ua tolusefulu tausaga o le maua sea saa'olotoga a e ina ua le mafai ona totogi o le tau o mea'ai, e tagatanu'u ua le mafai ai loa ona taofiofi le agaga e pei ona iai nei i aso e valu i le 'a'ai o Cairo.

I le taimi nei ua fa'atonuina tagatanu'u o Peretania, Kanata, Ausetalia ina ia o 'ese ma totonu o Aikupito. Ua fa'aali fo'i le manatu o le itu Temokarasi i Amerika, le ali'i o John Kerry, ua tatau loa ona fa'amavae le ali'i Peresetene o Mubarak ona ua mana'omia e tagata Aikupito se Malo e aloa'ia aia tatau fa'atemokarasi o tagata uma i Aikupito.