A o ai ea ua atoatoa lona Kerisiano? - tusia e Meripa Weir
Na fa'alia i le televise ni manatu o ni ali'i ma se tama'ita'i e fa'amatala ai lo latou talitonuga " e leai se Atua" ma lo latou " le fa'atauaina o talitonuga fa'a-le lotu". O le ali'i muamua e maua lona poto maoa'e i le mataupu tau filisofia (philosophy) ma le su'esu'eina o le amiotonu (Ethics). O le ali'i lona lua e maua lona poto ma lona malamalama maoa'e i su'esu'ega o papa ma ma'a o le lau'ele'ele (Geology). O le ali'i lona tolu sa avea o ia ma Ali'i Sili (Mayor) o se tasi o Setete o lo o nofomau ai. O le tama'ta'i sa fai ma faipule i le Palemene mo ni tausaga se tele.
Sa atagia mai i molimau a nei auauna manatu nei -
Ana iai se atua alofa ma pule aoao i le lalolagi se manu e le sauaina ma fa'aumatia le soifua o le ono miliona o le au Iutaia e Hitila le ta'ita'i Siamani;
E solomua lava i tagata kerisiano ona ta fasi o manu ma mea ola ma fa'aaoga i fefa'ataua'iga o taumafa, la'ei po o le su'eina lava o le 'oa tupe;
E mafai lava e le poto ma le malosi o le tagata ona faia tulafono mo le amiotonu ma le amio pulea o se atunu'u e aunoa ma ni fautuaga fa'ale-agaga;
E manino lava le autu o nisi lotu o le su'e tupe a e leai ni fe'au taua mo tagata e le mautinoa pe iai se Atua soifua;
A i'u le ola po o le soifua o le tagata e tatau ona fiafia ma fai ni fa'amanatuga o galuega ma auaunaga a lea tagata;
Po o le a se manatu o le 'au kerisiano pe a fesiligia e tusa o finagalo fa'aalia e nei ali'i ma le tama'ita'i? E le taumate o le a 'ese'ese manatu e maua e maua mai lea kerisiano ma lea kerisiano. A e o le mea moni lava, e tali le kerisiano fa'atuatua moni ma fa'amao'i e fa'avae i le fa'asinoga a le Tusi Paia ma le ta'ita'ina a le Agaga Paia. E tali le kerisiano fa'atuatua moni ma lona silafia, o Le Atua e Ana le vi'iga ona o galuega lelei uma a le tagata. E tali fo'i le kerisiano fa'atuatua moni ma fesili ifo ia te ia lava - "A O AI EA SE TASI UA ATOATOA LONA KERISIANO?"
O le fesoasoani a le Perofeta o Mika ua fa'apea mai i le fanau uma a Le Atua:
SOLE, UA FA'AALIA ATU E IA IA TE 'OE LE MEA LELEI, SE A FO'I SE MEA E FINAGALO AI LE ALI'I IA TE 'OE PE A LE O IA MEA - IA FAI LE AMIOTONU, IA NAUNAU I LE ALOFA, MA IA FEO'OA'I MA LOU ATUA MA LE LOTO FA'AMAUALALO ? (Mika 6:8).
He has told you..what is good; and what does the Lord require of you but to do justice, and to love kindness and to walk humbly with your God (Micah 6:8).
A o ai ea ua atoatoa lona Amiotonu? A o ai ea ua atoatoa lona naunau i le Alofa? A o ai 'ea ua atoatoa lona feo'oa'i ma lona Atua i le Loto Fa'amaualalo? O le Atua lava na te fuaina lo tatou fa'atuatua moni fa'akerisiano i lenei lalolagi o lo o tatou ola ai.
(Weir Meripa- tusia mo le Sulu Samoa Setema 2002:14)
Sa atagia mai i molimau a nei auauna manatu nei -
Ana iai se atua alofa ma pule aoao i le lalolagi se manu e le sauaina ma fa'aumatia le soifua o le ono miliona o le au Iutaia e Hitila le ta'ita'i Siamani;
E solomua lava i tagata kerisiano ona ta fasi o manu ma mea ola ma fa'aaoga i fefa'ataua'iga o taumafa, la'ei po o le su'eina lava o le 'oa tupe;
E mafai lava e le poto ma le malosi o le tagata ona faia tulafono mo le amiotonu ma le amio pulea o se atunu'u e aunoa ma ni fautuaga fa'ale-agaga;
E manino lava le autu o nisi lotu o le su'e tupe a e leai ni fe'au taua mo tagata e le mautinoa pe iai se Atua soifua;
A i'u le ola po o le soifua o le tagata e tatau ona fiafia ma fai ni fa'amanatuga o galuega ma auaunaga a lea tagata;
Po o le a se manatu o le 'au kerisiano pe a fesiligia e tusa o finagalo fa'aalia e nei ali'i ma le tama'ita'i? E le taumate o le a 'ese'ese manatu e maua e maua mai lea kerisiano ma lea kerisiano. A e o le mea moni lava, e tali le kerisiano fa'atuatua moni ma fa'amao'i e fa'avae i le fa'asinoga a le Tusi Paia ma le ta'ita'ina a le Agaga Paia. E tali le kerisiano fa'atuatua moni ma lona silafia, o Le Atua e Ana le vi'iga ona o galuega lelei uma a le tagata. E tali fo'i le kerisiano fa'atuatua moni ma fesili ifo ia te ia lava - "A O AI EA SE TASI UA ATOATOA LONA KERISIANO?"
O le fesoasoani a le Perofeta o Mika ua fa'apea mai i le fanau uma a Le Atua:
SOLE, UA FA'AALIA ATU E IA IA TE 'OE LE MEA LELEI, SE A FO'I SE MEA E FINAGALO AI LE ALI'I IA TE 'OE PE A LE O IA MEA - IA FAI LE AMIOTONU, IA NAUNAU I LE ALOFA, MA IA FEO'OA'I MA LOU ATUA MA LE LOTO FA'AMAUALALO ? (Mika 6:8).
He has told you..what is good; and what does the Lord require of you but to do justice, and to love kindness and to walk humbly with your God (Micah 6:8).
A o ai ea ua atoatoa lona Amiotonu? A o ai ea ua atoatoa lona naunau i le Alofa? A o ai 'ea ua atoatoa lona feo'oa'i ma lona Atua i le Loto Fa'amaualalo? O le Atua lava na te fuaina lo tatou fa'atuatua moni fa'akerisiano i lenei lalolagi o lo o tatou ola ai.
(Weir Meripa- tusia mo le Sulu Samoa Setema 2002:14)
posted by Meripa Weir at 1:21 PM
0 Comments:
Post a Comment
<< Home